بعد فرحى بأسبوع اكتشفت ان مراتي علي اتصال بالعالم الخفي ووكانت مخبيه عني والا مكنتش هتجوزها

اعرفه دول عندي جوا
انا سمعت دول عندي جوا من هنا وقومت ادور علي شبشبي عشان اروح الجامع اشوف لو فيه اي صلاه فاتتني 
راح الشيخ ماسك ايدي وقايلي تلاته بالله العظيم مانت قايم 
قعدت ولله الامر
الشيخ قال يابنتي دول بيستخدموكي من امتي
قالت دا انا اللي بستخدمهم مش هما اللي بيستخدموني
الشيخ سمع انها اللي بتستخدمهم من هنا وقام يدور علي شبشبه تقريبا هيدور لو كان فيه اي صلاه فاتته برضو ولا حاجه 
مسكته وقولتله تلاته بالله العظيم من انت قايم
و اول ما قالت وعندى قدهم اربع مرات هروح اجيبهم
قومنا جري انا وهو نخبط في بعض ويدوب لحقنا ناخد حاجه نلبسها في رجلنا لما طلعنا بره لقيت الشيخ معاه هاف بوط 
جيت أضحك معرفتش لاني كان معايا جزمة امي
المهم فضلنا برا بتاع ربع ساعه وامي جوا لوحدها و مستنيين اول صړخة لامي ومتفقين نكسر الباب عليهم ونقول في صوت واحد 
آية الكرسي 
ونحرقهم زى ما عزت العلايلي حړق عادل امام في الانس والجن
المهم عدي بتاع نص ساعه ومفيش نفس ليهم
الشيخ اتنهد كدا وقال الحمدلله تلاقي الاتنين ماتوا وخلصنا من شرهم
قولتله انت بتقول ايه ياعم انت استني ندخل نشوف فيه ايه بالهاف بوط اللي انت لابسه ده
المهم دخلت من غير ما اعمل صوت والشيخ ورايا
لقيت امي بسم الله ما شاء الله وشها صغر عشر سنين وبقت زي القمر انا فكرت ان دا جن من بتوع مراتي لبسها خلاها شباب بس اكتشفت الحقيقة لما امي قربت مني بكل حنية الامهات
وراحت رزعاني بالقلم وقالتلي
هات العشر تلاف اللي انت خدتهم تسافر بيهم انا عاوزه اجيب كل الانواع البرايمر والكونسيلر والكونتور وكله كله
ياما انتي اتلبستي ياما
قالت دول ادوات مكياج ياجاهل ما انت طالع لابوك كان بيمسك قلم الكحل يصحح بيه للعيال في المدرسة
اللي ضحك من قلبه يجيب خماشر جنيه بلم فلوس علشان اكبر المحل