رواية قصة كنا مبارح .. بقلم " بالعامية بحبك "

200936
بعد ما علاقتنا استقرت على الحب 
كان بدي اعمل بيت صغير النا ل حبنا 
فيو بيكبر احلى صغنون بالعالم
ابني وابنك ...
كنت كل ما اتعب بشغلي اتخيل 
كيف رح تكون حياتنا ونحن سوا 
ف اتعب اكتر اشتغل اكتر 
ل بطل اتخيل 
ل نصير سوا انا وانتي وابننا
وارجع بالليل شوفك
اوعدك بكتير شغلات حقها جهد وتعب وسهر 
انتي تضحكي ويطير عقلك
و انا كتير افرح لما حس اننا قربنا نوصل 
و اني انا الأنسان يلي بدك تكوني معو كل العمر 
ويلي قادر يعملك هالضحكة الحلوة حتى بالحكي 
سنة 2010
يوم خطبتنا .. كان احلى يوم من تاريخ ميلادي 
برغم انو يوم كلو تعب وتخطيط مع اهلك 
واخواتك ..
ما كنت متفق معك لا على التاريخ ولا على اليوم 
والساعة ولا عندك علم بكل شي عم حضرو ..
اتصلت برفقاتك .. باهلك بالناس القراب منك 
خبرت اهلي ..
كانو اهلي بيعرفو كل شي عنك احكيلهم 
واهلك بيعرفو كل شي عني انتي تحكيلهم
او الأصح غالبا مو نحن يلي نحكي .. عيونا 
ابوكي ما سألني اسئلة كتير 
كنت كتير مرتاح و واثق من حالي
برغم التوتر يلي جواتي ..
عم اتخيل انا وعم لبسك الخاتم 
ضحكتك كيف رح تكون ..
فرحتك الجنون .. 
بطل حس بشي غير اني بحبك 

وآخر شي ..
ابوكي وافق على الخطبة و على فكرة الخطبة 
وضحك وقال 
شباب وبدهم يحبو 
من كتر ما فرحت بطلت كون وازن متل هو مفروض 
قمت بوست ابوكي من جبينو 
اليوم التاني اتفقت مع اخوكي يجيبك الساعة 
8 بدون ما تحسي بشي
رفقاتك وانا و اهلي واهلك كلنا ببيتك ...
الساعة 730 المسا
كانت من احلى واهم لحظات حياتي الكل موجود
الكل عم يطلع فيني والكل ناطر شو يلي رح يصير
انا ما عم فكر غير فيكي وبردة فعلك و عم اطلع بالخاتم 
مرقت هالنص الساعة تقولي مليون سنة
الجرس رن طفينا كل شي في ضو بالبيت .. 
انا قمت وقفت
ابوكي فتح الباب حامل شمعة
ابوكي اهلين بابا
انتي ليش هيك عتم مقطوعة الكهربا 
ابوكي ما بعرف القصة مبتسم 
اخوكي فوتي لك جدبة فوتي 
طلعتلك انا بوجهك و هي كلمة وحدة قلتلك بحبك
وطلعت الخاتم ..
اخوكي شعل الضو
انتي عم تطلعي بعيوني 
مصډومة حيرانة وفرحانة 
وفايتة بستين حيط .. 
امك على يسارك مبروك الخطبة يا ماما 
مشاهد صغيرة ما بنساها 
تصفير وتصفيق الكل حولينا عيونك وملامح وجهك 
و اللحظة يلي حطيت فيها الخاتم بايدك
من بعد هاليوم اخد حبانا الحرية 
فيني اخدك ايمتى ما بدي 
ورجعك وقت بدي 
من هاليوم انا مسؤول عنك منك ومن اهلك 
تخيلي من بعد هاليوم شو انا انسان سعيد 
كنت حاسس كل شي بحياتي مكتمل 
وبالنسبة للتفاصيل الصغيرة الناقصة اتفقنا نكملها سوا متل البيت
يلي بقي شوي باخد القرض وبجيبو والعرس الخ ..
20101231
عيد راس السنة شام عجقة الوان بالسما 
ايديك التنين ماسكين ايدي اليمن
خاېفة من اصوت الألعاب الڼارية