رواية قصة كنا مبارح .. بقلم " بالعامية بحبك "
فيني .. هاد انتي يلي بحبك نفسك ..
طيب وين هديك اللمعة بعيونك
بطلي تديري وجهك وقت بحكيكي
ليش هي الدمعة ..
عم تخبيها ..
فكرك يعني مو حاسس فيها ..
تعبتي .. جواتك في شي كل يوم عم ينهار
عم يدمر احلى ما فينا ..
مافيني شوفك هيك انتي مو هيك ..
معقول السعادة تصير ذكرى حلوة
معقول اتركك تصيري متل .. !وطني تعبان كرمال الرب
لا تتعبي انتي ..
بتتزكري ايام ال 2009 و 2010
خطبتنا وحبنا
بتتزكري شو كنتي بتفرحي
لما اعملك شي مفاجئة
و كيف كانت ضحكتك
وضحكتي ..
يا الله شو مشتاق لهدوليك الضحكة
اكيد ما نستي وعودنا القديمة
يلي لحد اللحظة عم نوفي لبعض هي
برغم كل شي صار .. !
تعي نعمل وعد جديد
وحلم جديد ..
انتي توعدني فيه .. تكوني قوية ..
وانا بوعدك نكمل مع بعض
ل نرجع متل زمان .. قبل الحړب
و قلك شي
زمان سړقت كتير انا من املك
صار دوري اعطيكي امل ..
اغفي على صدري وحلمي بوطن بيشبهنا انا وانتي ..
بحبنا بنقدر نكتب النهاية .. كلمة حب وكلمة وطن
اعظم شغلتين بالدني
قصة كنا مبارح ..
